নতুন দিল্লী, ২০ অক্টোবৰ: খেলুৱৈসকলৰ সুৰক্ষা সৰ্বাধিক বুলি দাবী কৰি ক্ৰীড়া মন্ত্ৰী অনুৰাগ ঠাকুৰে বৃহস্পতিবাৰে কয় যে পাকিস্তানত অনুষ্ঠিত হ’বলগীয়া ২০২৩ চনৰ এছিয়া কাপত ভাৰতীয় ক্ৰিকেট দলৰ অংশগ্ৰহণৰ সিদ্ধান্ত গৃহ মন্ত্ৰালয়ে ল’ব।এছিয়ান ক্ৰিকেট পৰিষদৰ সভাপতি তথা ভাৰতীয় পৰিষদৰ সম্পাদক জয় শ্বাহে কালি কৈছিল যে ভাৰতীয় দলটোৱে এছিয়া কাপ খেলিবলৈ পাকিস্তানলৈ নাযায় আৰু নিৰপেক্ষ স্থানত প্ৰতিযোগিতাখন খেলিব। এই সন্দৰ্ভত পাকিস্তান ক্ৰিকেট ব’ৰ্ডে সতৰ্ক কৰি দিছিল যে ইয়াৰ ফলত ২০২৩ চনত ভাৰতত অনুষ্ঠিত হ’বলগীয়া আইচিচি বিশ্বকাপত তেওঁলোকৰ অংশগ্ৰহণ প্ৰভাৱিত হ’ব পাৰে। শ্বাহৰ বিবৃতিৰ দ্বাৰা উদ্ভৱ হোৱা বিতৰ্কৰ বিষয়ে সোধাত ঠাকুৰে এক নিৰ্বাচিত সংবাদ মাধ্যমৰ ব্ৰিফিংত কয়, ‘খেলুৱৈসকলৰ সুৰক্ষা সৰ্বাধিক। গৃহ মন্ত্ৰালয়ে এছিয়া কাপত ভাৰতীয় দলৰ অংশগ্ৰহণৰ বিষয়ে সিদ্ধান্ত ল’ব।’ তেওঁ কয়-আমি আইচিচি টুৰ্ণামেণ্টত পাকিস্তানৰ সৈতে খেলি আছো কিন্তু দ্বিপাক্ষিক শৃংখলাৰ প্ৰতি আমাৰ দৃষ্টিভংগী এতিয়াও আছে। সন্ত্ৰাসবাদৰ ছাঁত ক্ৰিকেট খেলিব নোৱাৰি। অষ্ট্ৰেলিয়া আৰু ইংলেণ্ডৰ দৰে দল পাকিস্তান ভ্ৰমণ কৰাৰ পিছতো নিৰাপত্তাৰ চিন্তা আছে নেকি বুলি সোধাত ঠাকুৰে কয়, অষ্ট্ৰেলিয়া, ইংলেণ্ড আৰু ভাৰতৰ পৰিস্থিতিত পাৰ্থক্য আছে। উল্লেখ্য যে অহা বছৰ এছিয়া কাপৰ পিছত, ভাৰতত ৫০ অভাৰৰ বিশ্বকাপ অনুষ্ঠিত হ’ব। তেওঁ কয়-ভাৰতত বিশ্বকাপ খেলিবলৈ যোগ্যতা অৰ্জন কৰা সকলো দলক আমন্ত্ৰণ জনোৱা হ’ব। ভাৰত এতিয়া কাৰো কথা শুনিব পৰা অৱস্থাত নাই আৰু কাৰো কথা কোৱাৰ কোনো কাৰণ নাই। আমি সকলোকে স্বাগতম জনাম আৰু আশা কৰোঁ সকলোৱে আহিব।
