জাকাৰতা : দক্ষিণ-পূব এছিয়াৰ দেশসমূহে যোৱা কেইবা সপ্তাহত দৈনিক কোভিড-১৯ সংক্ৰমনৰ সংখ্যা আৰু মৃত্যুৰ ক্ষেত্ৰত অভূতপূৰ্ব বৃদ্ধি নথিভুক্ত কৰিছে। থাইলেণ্ডত নতুন সংক্ৰমন এপ্ৰিল মাহত সাত দিনৰ গড়ত দৈনিক আঠগুণ বৃদ্ধি হৈছে। যোৱা কেইসপ্তাহত প্ৰৱণতা বৃদ্ধি পাইছে । মালয়েছিয়াৰ প্ৰতি নিযুত জনসংখ্যাত সাত দিনৰ গড়ত দৈনিক নতুন কোভিড-১৯ পজিটিৱ ঘটনা ১ মে’ (প্ৰতি নিযুত জনসংখ্যাত ৯৪.২ ) আৰু ১১ জুলাই (প্ৰতি নিযুতত ২৫৪)ৰ মাজত ব্য়ৱধান দুগুণতকৈও অধিক।
মালয়েছিয়াতকৈ প্ৰায় দহ গুণ জনসংখ্যাৰ সৈতে, ইণ্ডোনেছিয়াই ১ মে’ৰ পৰা ১১ জুলাইলৈ (প্ৰতি নিযুতত ১২৭ টা নতুন কেছ) একেটা মাপকাঠিৰ বাবে প্ৰায় সাত গুণ বৃদ্ধি নথিভুক্ত কৰিছে। পৰীক্ষাৰ সংখ্যা যথেষ্ট বৃদ্ধি নোহোৱাকৈ যোৱা কেইদিনমানৰ পৰা ইণ্ডোনেছিয়াৰ দৈনিক কেছৰ সংখ্যাই অভিলেখ ভংগ কৰিছে, । ১৪ জুলাইত, ইণ্ডোনেছিয়াই ৫৪,৫১৭ টা নতুন কোভিড-১৯ পজিটিৱ কেছ আন এটা অভিলেখ ভংগ কৰে। ইণ্ডোনেছিয়াক এতিয়া এছিয়াৰ নতুন কোভিড-১৯ কেন্দ্ৰ হিচাপে গণ্য কৰা হৈছে, যি ভাৰতক অতিক্ৰম কৰিছে । প্ৰতি নিযুত জনসংখ্যাত ঘটনাৰ হাৰৰ ক্ষেত্ৰত ইণ্ডোনেছিয়াই ইয়াৰ আটাইতকৈ বেয়া দিনবোৰত ভাৰতৰ সৈতে একে ধৰণৰ বৃদ্ধি দেখুওৱা নাছিল ইয়াৰ কাৰন আছিল দেশখনৰ নিম্ন কোভিড পৰীক্ষাৰ হাৰ। কোভিড-১৯ পজিটিৱ কেছৰ সংখ্যা বৃদ্ধিৰ পিছত মৃত্যুৰ সংখ্যাও বৃদ্ধি পাইছে।
