নৱী মুম্বাই, ১২ মে’: দিল্লী কেপিটেলছে মিচেল মাৰ্ছ (৮৯ ৰান) আৰু অপেনাৰ ডেভিদ ৱাৰ্ণাৰৰ (৫২ নট আউট) অৰ্ধশতক আৰু দুয়োজনৰ মাজত দ্বিতীয় উইকেটৰ বাবে ১৪৪ ৰানৰ অংশীদাৰিত্বৰে বুধবাৰে ইয়াত অনুষ্ঠিত ইণ্ডিয়ান প্ৰিমিয়াৰ লীগৰ এখন খেলত ৰাজস্থান ৰয়েলছক ১১ টা বলত থকা অৱস্থাত আঠটা উইকেট পৰাস্ত কৰি প্লে অফৰ আশা সজীৱ কৰি ৰাখিছে। দিল্লী কেপিটেলছৰ হৈ মাৰ্ছে তেওঁৰ ৬২ বলৰ ইনিংছত সাতটা ছয় আৰু পাঁচটা চাৰি মাৰিছিল আৰু ৱাৰ্ণাৰে ৪১ টা বলত পাঁচটা চাৰি আৰু এটা ছয় মাৰিছিল। অষ্ট্ৰেলিয়াৰ যুটিটোৱে দ্বিতীয় উইকেটৰ বাবে ১০১ টা বলত ১৪৪ ৰান যোগ কৰি দলটোক ষষ্ঠ বিজয় প্ৰদান কৰে। দিল্লী কেপিটেলছে এই জয়ৰ সৈতে তেওঁলোকৰ একাউণ্টত আৰু দুই পইণ্ট সংযোগ কৰিছে, যিয়ে দলটোক ১২ খন মেচৰ পৰা ১২ পইণ্টৰ সৈতে তালিকাৰ পঞ্চম স্থানলৈ স্থানান্তৰিত কৰিছে। ৰাজস্থান ৰয়েলছ ১৪ পইণ্টৰ সৈতে তৃতীয় স্থানত আছে। আৰম্ভণিতে তাৰকা বেটছমেন জছ বাটলাৰৰ উইকেট হেৰুৱা ৰাজস্থান ৰয়েলছে ভাৰতীয় অলৰাউণ্ডাৰ ৰবিচন্দ্ৰন অশ্বিন (৫০) আৰু দেৱদত্ত পাডিক্কালৰ ৪৮ ৰানৰ অৰ্ধশতকৰ সহায়ত ছয় উইকেটত ১৬০ ৰান সংগ্ৰহ কৰে। মাৰ্ছৰ আই পি এলৰ প্ৰথম অৰ্ধশতকে দিল্লী কেপিটেলছক ১৮.১ অভাৰত দুই উইকেটত ১৬১ ৰান সংগ্ৰহ কৰাত সহায় কৰে।
