Home ক্ৰীড়া ইউএছ অ’পেনৰ চতুৰ্থ ৰাউণ্ডত ৰাফেল নাদাল

ইউএছ অ’পেনৰ চতুৰ্থ ৰাউণ্ডত ৰাফেল নাদাল

120
0

নিউয়ৰ্ক, ৪ ছেপ্টেম্বৰ: ৰাফেল নাদালে একপক্ষীয় খেলত ফ্ৰান্সৰ ৰিচাৰ্ড গাস্কেটক ৬-০, ৬-১, ৭-৫ ছেটত পৰাস্ত কৰি ইউএছ অ’পেনৰ চতুৰ্থ ৰাউণ্ডত উপনীত হৈছে। দ্বিতীয় ৰাউণ্ডৰ জয়ৰ সময়ত ৰেকেটটোৱে তেওঁক আঘাত কৰাত বিশ্বৰ দ্বিতীয় নম্বৰ নাদালে আহত হৈছিল। চাৰিবাৰৰ চেম্পিয়ন আৰু ২২ টা গ্ৰেণ্ড শ্লেম বিজয়ী নাদালে কয় যে তেওঁ আঘাতৰ পৰা সুস্থ হৈছে। তেওঁ এতিয়া আমেৰিকান ফ্ৰান্সিছ টিয়াফ’ৰ মুখামুখি হ’ব। চাৰি ঘণ্টাতকৈও অধিক সময় ধৰি চলা খেলত আন্দ্ৰেই ৰুবেলভে বিশ্বৰ ১৯ নম্বৰ ডেনিছ শাপোভালভক ৬-৪, ২-৬, ৭-৬, ৬-৪ত পৰাস্ত কৰে। তেওঁ এতিয়া সপ্তম স্থানত থকা কেমেৰুন নৰিৰ মুখামুখি হ’ব। কাৰ্লোছ আলকাৰাজ পিট চাম্প্ৰাছৰ পিছত একেৰাহে দ্বিতীয় ইউএছ অ’পেনত চতুৰ্থ ৰাউণ্ডত উপনীত হোৱা আটাইতকৈ কম বয়সীয়া খেলুৱৈ হৈছে। চাম্প্ৰাছে ১৯৮৯ আৰু ১৯৯০ চনত এই কৃতিত্ব কৰিছিল। উনিশ বছৰীয়া আলকাৰেজে জেনচন ব্ৰুকছবিক ৬-৩, ৬-৩, ৬-৩ ছেটত পৰাস্ত কৰে। তেওঁ এতিয়া মাৰিন চিলিক আৰু ডেনিয়েল ইভান্সৰ মাজৰ খেলখনৰ বিজয়ীৰ মুখামুখি হ’ব। মহিলা শাখাত জেছিকা পেগুলাই কোৱালিফায়াৰ য়ুৱান য়ুইক ৬-২,৬-৭,৬-০ ছেটত পৰাস্ত কৰে। তেওঁ প্ৰথমবাৰৰ বাবে ইউএছ অ’পেনৰ চতুৰ্থ ৰাউণ্ডত  উপনীত হৈছে। পেট্ৰা কুইটোভাই গাৰ্বিনে মুগুৰুজাক ৫-৭,৬-৩,৭-৬ ছেটৰ ব্যৱধানত পৰাস্ত কৰে।

LEAVE A REPLY

Please enter your comment!
Please enter your name here