অভয়াপুৰীত মধ্যাহ্ন ভোজন কৰ্মচাৰী ইউনিয়নৰ উত্তাল প্ৰতিবাদ।

273

তিনি মধ্যাহ্ন ভোজন ৰান্ধনীক প্ৰহাৰ কৰাৰ প্ৰতিবাদত এই প্ৰতিবাদী কাৰ্যসূচী।ডুমুৰীয়া-পিকনাপাৰা প্ৰাথমিক বিদ্যালয়ত এই উত্তাল প্ৰতিবাদ কাৰ্যসূচী ৰূপায়ন। বঙাইগাঁও জিলাৰ সৃজনগ্ৰাম শিক্ষাখণ্ডৰ অৰ্ন্তগত ডুমুৰীয়া – পিকনাপাৰা প্ৰাথমিক বিদ্যালয়ৰ চৌহদত প্ৰধান শিক্ষয়িত্ৰী মৰ্জীনা বেগমৰ বিৰুদ্ধে তিব্ৰ প্ৰতিবাদ সাব্যস্ত কৰে মধ্যাহ্ন ভোজন কৰ্মচাৰী ইউনিয়নে ।

বিদ্যালয়ত যোৱা ২০০৫ চনৰ পৰা কৰ্মৰত তিনি ৰন্ধন কৰ্মী ক্ৰমে – ৰজিমন খাতুন ‌‌, ছমিৰণ নেছা আৰু আকলিমা খাতুনক বিনা কাৰণত যোৱা ৫ মে‌’ তাৰিখে কৰ্মত বাধা প্ৰদান কৰাৰ লগতে মাৰপিট কৰিছিল । এই কাৰ্যত পূৰ্ণ সহযোগ কৰিছিল মৰ্জীনাৰ স্বামী মাজিদুৰ ৰহমান, পৰিচালনা সমিতিৰ সভাপতি আব্দুল কৰিম আৰু সদস্য ফজলুল হক তালুকদাৰে ।

পূৰ্বৰ ৰন্ধন কৰ্মী তিনি জনীৰ ন্যায় বিচাৰি জিলা সমিতিৰ উদ্যোগত আজি অভয়াপুৰীৰ ৰাস পথাৰৰ পৰা শতাধিক ৰন্ধন কৰ্মীয়ে ৰান্ধনীৰ কৰ্তৱ্যত বাধা দিয়া প্ৰধান শিক্ষয়িত্ৰী মৰ্জিনা বেগমক বৰ্খাস্ত কৰক, মহিলা ৰান্ধনীৰ গাত হাত দিয়া সদস্য ফজলুল হক তালুকদাৰক গ্ৰেপ্তাৰ কৰক, মহিলা ৰান্ধনীৰ গাত হাত দিয়া সভাপতি আব্দুল কৰিমক গ্ৰেপ্তাৰ কৰক, বিদ্যালয়ত অনাধিকাৰ প্ৰৱেশ কৰি ৰান্ধনীক প্ৰাণে মৰাৰ ধমকি দিয়া প্ৰধান শিক্ষয়িত্ৰীৰ স্বামী মাজিদুৰ ৰহমানক গ্ৰেপ্তাৰ কৰক আদি শ্লোগানেৰে হাতে হাতে প্লে কাৰ্ড লৈ প্ৰায় দুই কিলোমিটাৰ পথ অতিক্ৰম কৰি বিদ্যালয় চৌহদ উত্তাল কৰি তোলে।

ইপিনে প্ৰতিবাদী মহিলা সকলে প্ৰধান শিক্ষয়িত্ৰীক বদলি কৰাৰ লগতে আটাইকেইজন দোষীৰ বিৰুদ্ধে শাস্তীৰ দাবী জনায়।

পিছত ঘটনাস্থলীত লেংটিছিঙা আৰক্ষী উপস্থিত হৈ পৰিস্থিতি নিয়ন্ত্ৰণ কৰে। পিছত সৃজনগ্ৰাম শিক্ষা খণ্ডৰ খণ্ড প্ৰাথমিক শিক্ষা বিষয়া মনোজ কুমাৰ ফুকনে বিষয়টোৰ ওপৰত বিবেচনা কৰিব বুলি আশ্বাস প্ৰদান কৰে।

Leave A Reply

Your email address will not be published.